സംസ്ഥാന ടൂറിസം വകുപ്പിന്റെ സഹകരണത്തോടെ ‘ബുക്സ് ഓൺ ദി ബീച്ച് ‘എന്ന പേരിൽ നവംബർ 10 മുതൽ 12 വരെ കോവളത്ത് അന്താരാഷ്ട്ര സാഹിത്യോത്സവം സംഘടിപ്പിക്കുന്നു. രാജ്യത്തിനകത്തും പുറത്തുമുള്ള പ്രമുഖ എഴുത്തുകാർ, പരിസ്ഥിതി പ്രവർത്തകർ കലാകാരന്മാർ വിദ്യാഭ്യാസ പ്രവർത്തകർ തുടങ്ങിയവർ മേളയിൽ പങ്കെടുക്കും. സാഹിത്യോത്സവത്തോടനുബന്ധിച്ച വാർത്താ സമ്മേളനത്തിൽ ഡോ. ശശി തരൂർ എം പി അറിയിച്ചു.
വായനവേള, സംഗീതം, കുട്ടികൾക്കുള്ള കഥ പറയൽ, ചർച്ച, സംവാദം തുടങ്ങി വിവിധ സെക്ഷനുകൾ മേളയിലുണ്ടാകും. സാംസ്കാരിക വിനോദ സഞ്ചാരികളെ ആകർഷിക്കുക രീതിയിൽ കോവളത്തെ ആഗോള ബ്രാൻഡ്‌ ആക്കാനുള്ള ഒരു ശ്രമവും മേളയുടെ ഒരു ഉദ്ദേശമാണ്. മേളയിൽ പങ്കെടുക്കാനെത്തുന്ന കുടുംബങ്ങൾക്ക് സാഹിത്യ സാംസ്കാരിക രംഗം സംഗീതവും ഭക്ഷണവും ഉൾപെടെ ആസ്വാദ്യ കരമാക്കും വിധമാണ് മൂന്നു ദിവസത്തെ മേള ക്രമീകരിച്ചിരിക്കുന്നത്.