ജിഎസ്ടി വന്നതോടെ പുസ്തകങ്ങള്‍ക്കും ചെലവേറും. പേപ്പര്‍ ഉള്‍പ്പടെയുള്ളവയ്ക്ക് നികുതി കൂട്ടിയതും റോയല്‍റ്റിക്ക് നികുതി എര്‍പ്പെടുത്തിയതുമാണ് പുസ്തകങ്ങള്‍ക്ക് ചെലവേറാന്‍ കാരണം. ചരക്ക് സേവന നികുതി നിയമത്തില്‍ പുസ്തകങ്ങള്‍ക്ക് പൂജ്യം ശതമാനമാണ് നികുതി. എന്നാല്‍ പേപ്പറുകള്‍ക്ക് 12 ശതമാനം നികുതി എര്‍പ്പെടുത്തി. പേപ്പര്‍ കവറുകള്‍ക്കും ഇതാണ് നികുതി. ഒപ്പം അട്ടിമറി കൂലിക്ക് നികുതി കൂട്ടി. കെട്ടിടങ്ങളുടെ വാടകയുടെ നികുതി 4 ശതമാനം വര്‍ദ്ധിപ്പിച്ചു. ഇപ്പോള്‍ 18 ശതമാനമായി. ഇതിന് പുറമേ റോയല്‍റ്റിക്കും റിവേഴ്‌സ് ചാര്‍ജ് സമ്പ്രദായത്തില്‍ പ്രസാധകര്‍ നികുതി നല്‍കണം. ഇങ്ങനെവരുമ്പോള്‍ പുസ്തകങ്ങള്‍ക്ക് വില കൂട്ടാതിരിക്കാന്‍ കഴിയില്ലെന്ന് പ്രസാധകര്‍ വ്യക്തമാക്കുന്നു. കേരളത്തിലെ പ്രമുഖപ്രസാധകരായ ഡി സി ബുക്‌സിന് പുതിയ നിയമത്തിലൂടെ രണ്ടേകാല്‍കോടിയുടെ അധികബാധ്യതയാണുണ്ടായിരിക്കുന്നത്.
അമേരിക്ക പോലെയുള്ള വിദേശരാജ്യങ്ങളില്‍ സേവനങ്ങള്‍ക്ക് നികുതി ഏര്‍പ്പെടുത്താറില്ലെന്നും പ്രസാധകര്‍ ചൂണ്ടിക്കാട്ടുന്നു. അതേ മാതൃകയില്‍, ഇവിടെ ഇപ്പോള്‍ ഏര്‍പ്പെടുത്തിയിരിക്കുന്ന നികുതികള്‍ ഒഴിവാക്കണമെന്നാണ് പ്രസാധകരുടെ ആവശ്യം. അല്ലെങ്കില്‍ പുസ്തകങ്ങളുടെ വില കൂട്ടേണ്ടി വരും. അത് പുസ്തകപ്രസാധനമേഖലയെ വലിയതോതില്‍ ബാധിക്കുമെന്നും അവര്‍ ചൂണ്ടിക്കാട്ടുന്നു. പല സേവനങ്ങള്‍ക്കും അസംസ്‌കൃതവസ്തുക്കള്‍ക്കും 28 ശതമാനം നികുതി ഏര്‍പ്പെടുത്തിയതും പലമേഖലയെയും തകിടംമറിച്ചിട്ടുണ്ട്…!
SUMMARY IN ENGLISH
The prices of books may hike with the arrival of GST. The increased tax for paper and royalty has resulted in the price hike. According to GST the taxation is nil for books but it has applied 12% tax for paper and paper covers.
The rent for buildings has increased to 4% resulting in 18% of tax. Due to tax increase there are no other ways than to increase the price of books. One of the leading publishing house in India DC Books has suffered an additional lose of 2.5 crores due to GST.
Publishers points out that in Countries like America the services are never taxed and they collectively demands to follow such models and exclude the industry from this taxation. Or else the prices of books have to be increased which in turn will affect the industry adversely.