കമലിന്റെ ആമി എന്ന ചിത്രം റിലീസായതനുപിന്നാലെ വിപണികളില്‍ ഏറ്റവും കൂടുതല്‍ വിറ്റഴിക്കപ്പെട്ടത് മാധവിക്കുട്ടിയുടെ എന്റ കഥ, നീര്‍മാതളം പൂത്തകാലം, എന്റെ ലോകം എന്നീ പുസ്തകങ്ങളാണ്. ബസ്റ്റ്‌സെല്ലറായ ക്ലാസിക് കൃതി എന്ന് വേണമെങ്കില്‍ ഈ പുസ്തകങ്ങളെ വിളിക്കാം. ഒപ്പം, ഖസാക്കിന്റെ ഇതിഹാസം, നാലുകെട്ട്, നഷ്ടപ്പെട്ട നീലാംബരി എന്ന പുസ്തകങ്ങളും വില്പനയില്‍ മുന്നിലായിരുന്നു. പോയവാരം മലയാളത്തിലെ ക്ലാസിക് കൃതികളാണ് മറ്റ് പുസ്തകങ്ങളെക്കാള്‍ മുന്നിലെത്തിയത് എന്നതും ശ്രദ്ധേയമാണ്.
പൊതുവിജ്ഞാനത്തിന്റെ അവസാനവാക്ക് എന്ന് വിശേഷിപ്പിക്കാവുന്ന ഡി സി ബുക്‌സ് ഇയര്‍ ബുക്ക്-2018, മനു എസ് പിള്ളയുടെ ദന്തസിംഹാസനം, പെരുമാള്‍ മുരുകന്റെ കീഴാളന്‍,അര്‍ദ്ധനാരീശ്വരന്‍, കമലിന്റെ ആമി(തിരക്കഥ), ആടുജീവിതം, നനഞ്ഞുതീര്‍ത്ത മഴകള്‍, മനുഷ്യന് ഒരു ആമുഖം, കലാമിന്റെ ആത്മകഥ അഗ്നിച്ചിറകുകള്‍, ഇനി ഞാന്‍ ഉറങ്ങട്ടെ, ആരാച്ചാര്‍, പത്മാവതി അഗ്നിയില്‍ ജ്വലിച്ച ചരിത്രമോ , സുഗന്ധി എന്ന ആണ്ടാള്‍ ദേവനായകി, മാന്തളിരിലെ 20 കമ്മ്യൂണിസ്റ്റ് വര്‍ഷങ്ങള്‍, വഴിത്തിരിവുകള്‍, ഇരുളടഞ്ഞ കാലം, നൃത്തം ചെയ്യുന്ന കുടകള്‍, കുട നന്നാക്കുന്ന ചോയി, പ്ലേഗ്, മായ- വി ആര്‍ സുധീഷ്, ക്യാന്‍സര്‍ വാര്‍ഡിലെ ചിരി, ഭഗവാന്റെ മരണം തുടങ്ങിയ പുസ്തകങ്ങളും പോയവാരം വായനക്കാര്‍ തെരഞ്ഞെത്തി.