2016 വായനാവര്‍ഷമായി ആഘോഷിക്കാനുള്ള യുഎഇ ഭരണാധികാരികളുടെ തീരുമാനത്തിന് ഐക്യദാര്‍ഢ്യം പ്രഖ്യാപിച്ചുകൊണ്ട് ഡി സി ബുക്‌സും ലുലു ഹൈപ്പര്‍മാര്‍ക്കറ്റും സംയുക്തമായി നടത്തുന്ന ലുലു ഡി സി ബുക്‌സ് റീഡിങ് ഫെസ്റ്റിവലിന് തുടക്കമായി. യുഎഇ അജ്മന്‍ ലുലു ഹൈപ്പര്‍ മാര്‍ക്കറ്റില്‍ സെപ്റ്റംബര്‍ 29ന് തുടക്കമിട്ട ഫെസ്റ്റിവലില്‍ മലയാളത്തിലും അറബിക് ഭാഷയിലും ഇംഗ്ലിഷിലുമുള്ള ശ്രേഷ്ഠകൃതികളും ഏറ്റവും പുതിയ പുസ്തകങ്ങളുമടക്കം വലിയ ശേഖരമാണ് ഡി സി ബുക്‌സ് ഒരുക്കിയിരിക്കുന്നത്. ഫിക്ഷന്‍, നോണ്‍ ഫിക്ഷന്‍, ടീനേജ് ഫിക്ഷന്‍, കുട്ടികളുടെ പുസ്തകങ്ങള്‍, സെല്‍ഫ് ഹെല്‍പ്, പാചകം, തുടങ്ങിയവക്ക് കൂടുതല്‍ പ്രാധാന്യം നല്‍കിയിരിക്കുന്ന മേളയില്‍ ഇസ്ലാമിക പുസ്തകങ്ങളുടെ ശ്രേണി തന്നെ ഒരുക്കിയിട്ടുണ്ട്.
കൂടാതെ പുസ്തക പ്രകാശനം, സംവാദം, ചര്‍ച്ച, മുഖാമുഖം തുടങ്ങിയവയും ഒരുക്കിയിട്ടുണ്ട്. ഇതിന്റെ ഭാഗമായി സെപെറ്റംബര്‍ 30ന് വൈകിട്ട് 8ന് മലയാളത്തിലെ പ്രശസ്ത എഴുത്തുകാരന്‍ ടി ഡി രാമകൃഷ്ണന്‍ റീഡിങ് ഫെസ്റ്റിവലില്‍ പങ്കെടുക്കുകയും സദസ്യരുമായി സംവദിക്കുകയും ചെയ്യും. ഒക്ടോബര്‍ 7ന് മുന്‍ ചീഫ് സെക്രട്ടറി ഡോ ഡി ബാബുപോള്‍ ലുലു ഡി സി ബുക്‌സ് റീഡിങ് ഫെസ്റ്റിവലില്‍ പങ്കെടുക്കും. ഒക്ടോബര്‍ 8 വരെയാണ് റീഡിങ് ഫെസ്റ്റിവല്‍.
ഇതിനുമുമ്പും ഡി സി ബുക്‌സും ലുലു ഹൈപ്പര്‍മാര്‍ക്കറ്റും ചേര്‍ന്നൊരുക്കിയ ലുലു ഡി സി ബുക്‌സ് പുസ്തകമേളക്ക് പ്രവാസ ലോകത്തിന്റെ പൂര്‍ണ്ണ പിന്തുണ ലഭിച്ചിരുന്നു.
കൂടുതല്‍ വിവരങ്ങള്‍ക്ക് ബന്ധപ്പെടേണ്ട നമ്പര്‍ 055 287 8555 / 050 3699 397
The post ലുലു ഡി സി ബുക്‌സ് റീഡിങ് ഫെസ്റ്റിവലിന് തുടക്കമായി appeared first on DC Books.