വിഖ്യാത എഴുത്തുകാരി കെ ആര്‍ മീരയുടെ ആരാച്ചാര്‍, വില്‍പ്പനയില്‍ തരംഗം തീര്‍ത്ത ആഴ്ചയായിരുന്നു കടന്നുപോയത്. സുഭാഷ് ചന്ദ്രന്റെ മനുഷ്യന് ഒരു ആമുഖം രണ്ടാം സ്ഥാനത്തെത്തിയപ്പോള്‍ദീപാനിശാന്തിന്റെ ജീവിതാനുഭവങ്ങളും ഓര്‍മ്മക്കുറിപ്പുകളും അടങ്ങിയ നനഞ്ഞുതീര്‍ത്ത മഴകള്‍ മൂന്നാം സ്ഥാനത്തെത്തി. എം മുകുന്ദന്റെ ഓട്ടോറിക്ഷക്കാരന്റെ ഭാര്യ, കഥകള്‍ ഉണ്ണി ആര്‍, സന്തോഷ് ഏച്ചിക്കാനത്തിന്റെ ബിരിയാണി തുടങ്ങിയ കൃതികള്‍ക്കും ആവശ്യക്കാര്‍ ഏറെയായിരുന്നു.
ബെന്യാമിന്റെ ആടുജീവിതം, , ദീപാനിശാന്തിന്റെ കുന്നോളമുണ്ടല്ലോ ഭൂതകാലക്കുളിര്‍, എം മുകുന്ദന്റെ കുട നന്നാക്കുന്ന ചോയി, ഭാഗ്യലക്ഷ്മിയുടെ സ്വരഭേദങ്ങള്‍, സക്കറിയയുടെ തേന്‍, ടി ഡി രാമകൃഷ്ണന്റെ സിറാജുന്നിസ, കേരളം 60 പരമ്പരയില്‍ പ്രസിദ്ധീകരിച്ച കേരളചരിത്രത്തിലെ പത്ത് കള്ളക്കഥകള്‍, മരണത്തിന്റെ ആയിരംമുഖങ്ങള്‍, എല്‍ ഡി സി ടോപ്പ് റാങ്കര്‍, പെണ്‍പഞ്ചതന്ത്രം മറ്റ് കഥകള്‍ എന്നിവയ്ക്കും വായനക്കാര്‍ ഏറെയായിരുന്നു.
മലയാളത്തിന്റെ ശ്രേഷ്ഠകൃതികളില്‍ ഒ വി വിജയന്റെ ഖസാക്കിന്റെ ഇതിഹാസം തന്നെയാണ് ഈ ആഴ്ചയും വായനക്കാര്‍ക്ക് പ്രിയങ്കരമായ പുസ്തകം. മാധവിക്കുട്ടിയുടെ എന്റെ കഥ, എം ടിയുടെ രണ്ടാമൂഴം, നീര്‍മാതളം പൂത്തകാലം, ഒരു സങ്കീര്‍ത്തനം പോലെ, അഗ്നിസാക്ഷി, രണ്ടിടങ്ങഴി എന്നിവയും വായനക്കാര്‍ക്ക് പ്രിയങ്കരം തന്നെ.
പതിവ് പോലെ വിവര്‍ത്തനകൃതികളില്‍ ആല്‍കെമിസ്റ്റ് തന്നെ മുന്നിലെത്തി. അബ്ദുള്‍കലാമിന്റെ അഗ്നിച്ചിറകുകള്‍, ചാരസുന്ദരി, ഗോള്‍ഫ് ലിങ്‌സിലെ കൊലപാതകം, എന്നിവയും വായനക്കാര്‍ ആവേശത്തോടെ സ്വീകരിച്ചു.