തിരുവനന്തപുരം സ്റ്റാച്യു ജംഗ്ഷനിലെ ജനറല്‍ ഹോസ്പിറ്റല്‍ റോഡിലുള്ള ഡി സി ബുക്‌സിന്റെ ബിബല്‍യോ ഷോറൂമില്‍ തുടങ്ങിയ ആര്‍ട്‌സ് ബുക് ഫെയര്‍ പ്രശസ്ത എഴുത്തുകാരന്‍ സക്കറിയ ഉദ്ഘാടനംചെയതു. സെപ്റ്റ്ംബര്‍ 1ന് വൈകിട്ട് 5.30ന് നടന്ന ഉദ്ഘാടന ചടങ്ങില്‍ നിരവധിപേര്‍പങ്കെടുത്തു.
കലയുമായി ബന്ധപ്പെട്ടുള്ള പുസ്തകങ്ങളുടെ പ്രത്യേക പ്രദര്‍ശനമാണ് ആര്‍ട്‌സ് ബുക് ഫെയര്‍’. സമകാലീന ലോക ചിത്രകല, ശില്പകല, വാസ്തുശില്പം, പരസ്യകല, കലാചരിത്രം, സൗന്ദര്യശാസ്ത്രം, കലാസിദ്ധാന്തം, ഡിസൈന്‍, ഗ്രാഫിക്‌സ്, ഫാഷന്‍, സിനിമ, തുടങ്ങി കലയുടെ എല്ലാ മേഖലകളിലും നിന്നുള്ള പുസ്തകങ്ങളുടെ വിപുലമായ ശേഖരം പ്രദര്‍ശനത്തിലുള്ളത്.
ലോക പ്രശസ്ത കലാ പുസ്തക പ്രസാധകരായ ബ്രോണ്‍, ഫെയ്ഡണ്‍ പ്രസ്, തെംസ് ആന്റ് ഹഡ്‌സണ്‍, സ്‌കിറ, ലസ്റ്റര്‍ പ്രസ്, സ്‌റ്റെയ്ഡല്‍, ടേറ്റ്, മ്യൂസിയം ഒഫ് മോഡേണ്‍ ആര്‍ട്ട് , റോളി ബുക്‌സ് തുടങ്ങിയവര്‍ പ്രസിദ്ധീകരിച്ച, ക്ലാസിക്കലും ആധുനികവും ആധുനികോത്തരവും സമകാലീനവുമായ കലയുടെ വൈപുല്യവും വൈവിധ്യവും അടയാളപ്പെടുത്തുന്ന പുസ്തകങ്ങളും മേളയില്‍ ഒരുക്കിയിട്ടുണ്ട്.
പുസ്തകങ്ങള്‍ക്ക് ആകര്‍ഷകമായ വിലക്കിഴിവും ലഭിക്കും. നഗരത്തിലെ പുസ്തകശാലകളില്‍ സാധാരണ ലഭ്യമല്ലാത്ത അപൂര്‍വ്വമായ ഈ പുസ്തകശേഖരം കാണാനും തങ്ങള്‍ക്കിഷ്ടപ്പെട്ട പുസ്തകങ്ങള്‍ സ്വന്തമാക്കാനുമുള്ള സുവര്‍ണ്ണാവസരവും ആര്‍ട്‌സ് ബുക് ഫെയറില്‍ ഒരുക്കിയിട്ടുണ്ട്. സെപ്റ്റംബര്‍ 10 വരെയാണ് ആര്‍ട്‌സ് ബുക് ഫെയര്‍’.
The post ആര്‍ട്‌സ് ബുക് ഫെയര്‍ സക്കറിയ ഉദ്ഘാടനംചെയതു appeared first on DC Books.