Image may be NSFW.
Clik here to view.
ഏറ്റവും അസാധാരണമായതും വൈവിധ്യം നിറഞ്ഞതുമാണ് ചൈനക്കാരുടെ പാചകം. ചൈനീസ് പാചകങ്ങളെ മറ്റു പാചകങ്ങളില്‍ നിന്നു വ്യത്യസ്തമാക്കുന്നത് വിഭവങ്ങളുടെ നിറത്തിലും രുചിയിലും അലങ്കാരത്തിലുമുള്ള ശ്രദ്ധയാണ്. ചൈനയില്‍ പ്രധാനമായി നാലു തരത്തിലുള്ള പാചകമാണ് നിലവിലുള്ളത്. നാലു പ്രദേശങ്ങളെ പ്രതിനിധാനം ചെയ്യുന്ന നാലു പാചകരീതികള്‍: കാന്റൊണീസ് – സാധാരണയായി ഇളം നിറങ്ങളില്‍ വീര്യം കുറഞ്ഞ മസാലകള്‍ ചേര്‍ത്തുണ്ടാക്കുന്നത്, പെക്കിങ് – നിരന്തരം ഇളക്കിക്കൊണ്ടുള്ള വറുക്കലും പൊരിക്കലും നിറഞ്ഞ ഭക്ഷണപ്രിയര്‍ക്ക് ഇഷ്ടപ്പെടുന്ന രീതി, സച്ചുവാന്‍ – മസാലകള്‍ നിറഞ്ഞതും എരിവു കൂടിയതുമായ ഇനം, ഷാങ്ഹായ് – പഞ്ചസാരയുടെയും സോയാസോസിന്റെയും ഉപയോഗംകൊണ്ട് മധുരംനിറഞ്ഞ വിഭവം. ഏതു രീതിയിലായാലും സോസുകളും കറിക്കൂട്ടുകളും യഥാര്‍ത്ഥ അളവില്‍ ഉപയോഗിക്കുമ്പോഴാണ് ചൈനീസ് വിഭവങ്ങള്‍ സ്വാദിഷ്ടമാകുന്നത്. Image may be NSFW.
Clik here to view.
ഓമന ജേക്കബ് തയ്യാറാക്കിയ ചൈനീസ് പാചകം വിവിധങ്ങളായ ചൈനീസ് വിഭവങ്ങളെ പരിചയപ്പെടുത്തുന്നതാണ്.
ഈ പാചകപുസ്തകത്തില്‍ മുഖ്യ പാചകക്കുറിപ്പുകളോടൊപ്പം സാധാരണ ഉപയോഗിക്കുന്ന സോസുകളും സാലഡുകളും എങ്ങനെയാണ് തയ്യാറാക്കേണ്ടതെന്നും ചേര്‍ത്തിരിക്കുന്നു. ഇന്ത്യയില്‍ ലഭ്യമാകുന്ന ചേരുവകളും ഇന്ത്യന്‍ രുചിക്കനുയോജ്യമായ 100-ല്‍ പരം പാചകക്കുറിപ്പുകളുമാണ് ഈ പുസ്തകത്തില്‍ ഉള്‍പ്പെടുത്തിയിരിക്കുന്നത്.
ചൈനീസ് പാചകത്തിന്റെ യഥാര്‍ത്ഥ രുചിയും മണവും ലഭിക്കാന്‍ ഫ്രെഷായ മത്സ്യം, ഇറച്ചി, പച്ചക്കറികള്‍ ആണ് ഉപയോഗിക്കുന്നത്. കടലയെണ്ണയാണ് പാചകത്തിന് അനുയോജ്യം.
വ്യത്യസ്തമായ ഒരു വിഭവം ഇതാ…
എരിവുള്ള മുളകുസോസ്Image may be NSFW.
Clik here to view.
ചേരുവകള്‍;
1. കൊത്തി അരിഞ്ഞ ഉള്ളി – 3 ടേബിള്‍സ്പൂണ്‍
2. എണ്ണ – 2 ടീസ്പൂണ്‍
3. വെളിത്തുള്ളിയും ഇഞ്ചിയും
അരച്ചത് – 1 ടേബിള്‍സ്പൂണ്‍ വീതം
മുളക് അരച്ചത് – 1 ടീസ്പൂണ്‍
ടൊമാറ്റോ കെച്ചപ്പ് – 3 ടേബിള്‍സ്പൂണ്‍
വിനാഗിരി – 1 ടേബിള്‍സ്പൂണ്‍
പഞ്ചസാര – 1 ടേബിള്‍സ്പൂണ്‍
എള്ളെണ്ണ – 1 ടീസ്പൂണ്‍
ഉപ്പ് – 1/2 ടീസ്പൂണ്‍
4. വെള്ളം – 1/2 കപ്പ്
5. കോണ്‍ സ്റ്റാര്‍ച്ച് – 1 ടേബിള്‍സ്പൂണ്‍
പാകം ചെയ്യുന്ന വിധം;
ഒന്നാമത്തെ ചേരുവ രണ്ടു ടീസ്പൂണ്‍ എണ്ണയില്‍ വഴറ്റുക. അതിലേക്ക് മൂന്നാമത്തെ ചേരുവകള്‍ ചേര്‍ത്തിളക്കുക. തുടര്‍ന്ന് നാലാമത്തെ ചേരുവകള്‍ ഒന്നിച്ചു ചേര്‍ത്ത് ഇതിലേക്ക് ഒഴിക്കുക. കുറുകി വരുന്നതുവരെ ഇളക്കുക.
