ഡി സി ബുക്‌സും ലുലു ഹൈപ്പര്‍മാര്‍ക്കറ്റും സംയുക്തമായി നടത്തുന്ന ലുലു ഡി സി ബുക്‌സ് ബുക്‌ഫെയറില്‍ മുന്‍ ചീഫ് സെക്രട്ടറിയും പ്രശസ്ത എഴുത്തുകാരനുമായ ഡോ ഡി ബാബുപോള്‍ പങ്കെടുക്കും. യുഎഇ അജ്മന്‍ ലുലു ഹൈപ്പര്‍ മാര്‍ക്കറ്റില്‍ നടക്കുന്ന ബുക്‌ഫെയറില്‍ ഒക്ടോബര്‍ 7ന് വൈകിട്ട് 8നാണ് അദ്ദേഹം എത്തുന്നത്. എഴുത്തുകാരുമായുള്ള മുഖാമുഖ പരിപാടിയില്‍ പങ്കെടുക്കുന്ന ഡോ ഡി ബാബുപോള്‍ സദസ്യരുമായി തന്റെ എഴുത്തനുഭവങ്ങള്‍ പങ്കുവെക്കും.
2016 വായനാവര്‍ഷമായി ആഘോഷിക്കാനുള്ള യുഎഇ ഭരണാധികാരികളുടെ തീരുമാനത്തിന് ഐക്യദാര്‍ഢ്യം പ്രഖ്യാപിച്ചുകൊണ്ടാണ് ഡി സി ബുക്‌സും ലുലു ഹൈപ്പര്‍മാര്‍ക്കറ്റും സംയുക്തമായി യുഎഇ അജ്മന്‍ ലുലു ഹൈപ്പര്‍ മാര്‍ക്കറ്റില്‍ ബുക്‌ഫെയര്‍ സംഘടിപ്പിച്ചത്. സെപ്റ്റംബര്‍ 29ന് ആരംഭിച്ച പുസ്തകമേളയില്‍ മലയാളത്തിലെ പ്രശസ്ത എഴുത്തുകാരനായ ടി ഡി രാമകൃഷ്ണന്‍ പങ്കെടുത്തിരുന്നു.
പ്രവാസലോകത്തെ വായനക്കാര്‍ക്ക് പുസ്തകങ്ങളുടെ വിരുന്നൊരുക്കിക്കൊണ്ട് തുടങ്ങിയ മേളയില്‍ മലയാളത്തിലും അറബിക് ഭാഷയിലും ഇംഗ്ലിഷിലുമുള്ള ശ്രേഷ്ഠകൃതികളും ഏറ്റവും പുതിയ പുസ്തകങ്ങളുമടക്കം വലിയ ശേഖരമാണ് ഡി സി ബുക്‌സ് ഒരുക്കിയിരിക്കുന്നത്. ഫിക്ഷന്‍, നോണ്‍ ഫിക്ഷന്‍, ടീനേജ് ഫിക്ഷന്‍, കുട്ടികളുടെ പുസ്തകങ്ങള്‍, സെല്‍ഫ് ഹെല്‍പ്, പാചകം, തുടങ്ങിയവക്ക് കൂടുതല്‍ പ്രാധാന്യം നല്‍കിയിരിക്കുന്ന മേളയില്‍ ഇസ്ലാമിക പുസ്തകങ്ങളുടെ ശ്രേണി തന്നെ ഒരുക്കിയിട്ടുണ്ട്. കൂടാതെ ചര്‍ച്ച, മുഖാമുഖം തുടങ്ങിയവയും ഒരുക്കിയിട്ടുണ്ട്. ഒക്ടോബര്‍ 8 വരെയാണ് പുസ്തകമേള.
കൂടുതല്‍ വിവരങ്ങള്‍ക്ക് ബന്ധപ്പെടേണ്ട നമ്പര്‍ 055 287 8555 / 050 3699 397
The post ലുലു ഡി സി ബുക്‌സ് ബുക്‌ഫെയറില്‍ ഡോ ഡി ബാബുപോള്‍ എത്തുന്നു appeared first on DC Books.