കവയിത്രിയും പരിസ്ഥിതി പ്രവര്‍ത്തകയുമായ സുഗതകുമാരിയുടെ ഏറ്റവും പുതിയ കവിതകളുടെ സമാഹാരം ‘പൂവഴി മരുവഴി ‘പ്രകാശിപ്പിക്കുന്നു. തിരുവനന്തപുരം പുത്തരിക്കണ്ടം മൈതാനത്തു നടക്കുന്ന ഡി സി മെഗാബുക്‌ഫെയര്‍ വേദിയില്‍ ഒക്ടോബര്‍ 12 ബുധനാഴ്ച വൈകിട്ട് 5 മണിക്ക് കവിയും നടനുമായ ബാലചന്ദ്രന്‍ ചുള്ളിക്കാട് പുസ്തകം പ്രകാശിപ്പിക്കും. സാഹിത്യ വിദ്യാര്‍ത്ഥികളായ അനന്തകൃഷ്ണന്‍, സംഗീത് എന്നിവര്‍ചേര്‍ന്ന് പുസ്തകം സ്വീകരിക്കും.
ബാലചന്ദ്രന്‍ ചുള്ളിക്കാട് പ്രഭാഷണം നടത്തും. ആത്മരാമന്‍ പുസ്തക പരിചയവും സൂര്യാ കൃഷ്ണമൂര്‍ത്തി ആശംസകളുമറിയിക്കും. തുടര്‍ന്ന് നടക്കുന്ന കവിയരങ്ങില്‍ ബാലചന്ദ്രന്‍ ചുള്ളിക്കാട്, ഏഴാച്ചേരി രാമചന്ദ്രന്‍, മോഹനകൃഷ്ണന്‍ കാലടി, ആര്യാംബിക, എന്നിവര്‍പങ്കെടുക്കും. സുഗതകുമാരി മറുപടിപ്രസംഗവും ശ്രീകുമാര്‍ എ വി നന്ദിയും പ്രകാശിപ്പിക്കും.
പുസ്തകപ്രകാശനവും കവിയരങ്ങും ഡി സി ബുക്‌സിന്റെ ഫെയ്‌സ്ബുക്ക് പേജില്‍ ലൈവായി കാണാനുള്ള സൗകര്യവും ഒരുക്കിയിട്ടുണ്ട്. പരിപാടികള്‍ കാണുന്നതിനായി ഈ ലിങ്കില്‍ ക്ലിക് ചെയ്യുക.
The post പൂവഴി മരുവഴി- സുഗതകുമാരിയുടെ ഏറ്റവും പുതിയ കവിതസമാഹാരം പ്രകാശിപ്പിക്കുന്നു appeared first on DC Books.