ഉദ്യോഗാര്‍ത്ഥികളുടെ കാത്തിരിപ്പിനൊടുവില്‍ പിഎസ്‌സി ഹൈസ്‌കൂള്‍ അസിസ്റ്റന്റ് തസ്തികയിലേക്കുള്ള വിവിധവിഷയങ്ങളുടെ ഫലപ്രഖ്യാപനം നടത്തിവരുകയാണ്. കൂടാതെ കഴിഞ്ഞവര്‍ഷം നടത്താതിരുന്ന വിഷയങ്ങളിലേക്കുള്ള പരീക്ഷകളുടെ തീയ്യതിയും അറിയിച്ചുകഴിഞ്ഞു. ഇനി കാത്തിരുന്നവര്‍ക്ക് ശരിയായസിലബസ് പ്രകാരമുള്ള പാഠങ്ങള്‍ മനപാഠമാക്കിയാല്‍ മതി. ഈ വരുന്ന ഒക്ടോബര്‍മാസമാണ് എച്ച്എസ്എ നാച്യുറല്‍ സയന്‍സിന്റെ പരീക്ഷ.
ഹൈസ്‌കൂള്‍ അസിസ്റ്റന്റ് നാച്യുറല്‍ സയന്‍സ് പരീക്ഷയ്ക്കായി തയ്യാറെടുക്കുന്നവര്‍ക്ക് ആശ്രയിക്കാവുന്ന പുസ്തകമാണ് എച്ച്എസ്എ നാച്യുറല്‍ സയന്‍സ്. പിഎസ്‌സിയുടെ പുതിയ സിലബസ് പ്രകാരം പ്രൊഫ. സി.കെ ജോണ്‍ തയ്യാറാക്കിയ പുസ്തകമാണിത്.
അനിമല്‍ ഡൈവേര്‍സിറ്റി, ഫിസിയോളജി, ബയോകെമിസ്ട്രി, ഡവലപ്‌മെന്റല്‍ ബയോളജി, ബയോടെക്‌നോളജി, ഇക്കോളജി, ഇവല്യൂഷന്‍, സൂ ജോഗ്രഫി, മോര്‍ഫോളജി, പ്ലാന്റ് ഫിസിയോളജി, മെതഡോളജി ഓഫ് ടീച്ചിങ് ദി സബ്ജക്റ്റ്, ജനറല്‍ നോളജ്, കറന്റ് അഫേഴ്‌സ് തുടങ്ങി ശാസ്ത്രവിഷയങ്ങളുമായി ബന്ധപ്പെട്ട എല്ലാ മേഖലയിലെയും വിശദവിവരങ്ങളും എച്ച് എസ് എ നാച്യുറല്‍ സയന്‍സ് എന്ന ഗൈഡില്‍ ഉള്‍പ്പെടുത്തിയിരിക്കുന്നു.
നാച്യുറല്‍ സയന്‍സ് പാഠ്യവിഷയമായി തിരഞ്ഞടുത്തിരിക്കുന്നവര്‍ക്ക് എന്തുകൊണ്ടും ഗുണകരമാണ് എച്ച് എസ് എ നാച്യുറല്‍ സയന്‍സ് എന്ന പഠനസഹായി. കൂടാതെ നെറ്റ്, സെറ്റ്, എച്ച് എസ് എസ് ടി എന്നീ പരീക്ഷകള്‍ക്ക് തയ്യാറെടുക്കുന്നവര്‍ക്കും ഈ പുസ്തകം ഉത്തമസഹായിയായിരിക്കും.
നെറ്റ്, സെറ്റ്, എച്ച്എസ്എസ്റ്റി, എച്ച് എസ് എ എന്നീ പരീക്ഷകള്‍ക്ക് തയ്യാറെടുക്കുന്നവര്‍ക്കായി നാച്യുറല്‍ സയന്‍സ് കൂടാതെ എച്ച് എസ് എ മലയാളം, എച്ച് എസ് എ ഇംഗ്ലീഷ് എന്നീ പുസ്തകങ്ങളും ഡി സി ബുക്‌സ് ഐറാങ്ക് ഇംപ്രിന്റില്‍ പ്രസിദ്ധീകരിച്ചിട്ടുണ്ട്.
The post എച്ച്എസ്എ നാച്യുറല്‍ സയന്‍സ് – ശാസ്ത്ര അധ്യാപകര്‍ക്ക് ഒരു വഴികാട്ടി appeared first on DC Books.