നാമെല്ലാം വിദ്യാര്‍ത്ഥികളായിരുന്ന ആ കാലഘട്ടം ഒരിക്കല്‍ കൂടി വന്നെത്തിയിരുന്നുവെങ്കില്‍ എന്ന് ആഗ്രഹിക്കാത്തവരുണ്ടോ? കാണാതെ പഠിച്ച പദ്യശകലങ്ങളും കേട്ടുപഠിച്ച കഥകളും ഒരിക്കല്‍ കൂടി വായിക്കണമെന്ന് തോന്നാറില്ലേ? കൊതിയൂറുന്ന ആ പഴയ വിദ്യാലയജീവിതത്തിലെ മധുരസ്മരണകള്‍ അയവിറക്കാത്തവരായി ആരെങ്കിലുമുണ്ടോ? ഒരുവട്ടം കൂടി ആ പഴയ ക്ലാസ്മുറിയിലേക്കു മടങ്ങാനും, കാലിളകിയ ബെഞ്ചില്‍ അല്‍പനേരം ചോക്കുകളാല്‍ വരഞ്ഞ് തേഞ്ഞുതീരാറായ ആ ബോര്‍ഡിലേക്ക് നോക്കി അധ്യാപകര്‍ എഴുതി ചൊല്ലിത്തരുന്നത് ഏറ്റു ചൊല്ലാനും മോഹം തോന്നുന്നില്ലേ…?
യൗവനകാലം വരെ നാം വളര്‍ന്നതും പടര്‍ന്നു പന്തലിച്ചതും ആ വിദ്യാലയ തിരുമുറ്റത്തായിരുന്നു. അറിവിന്റെയും അക്ഷരങ്ങളുടേയും ലോകത്ത് പാറിപ്പറന്ന കാലം. നമുക്ക് ആ കാലത്തെ നഷ്ടപ്പെടലുകള്‍ എന്തെല്ലാമാണ്? ഒരു തിരിഞ്ഞുനോട്ടം. പഴയ വിദ്യാലയസ്മരണകള്‍ തീര്‍ത്ത പന്ഥാവിലൂടെയുള്ള ഒരു യാത്രയാണ്‌ ഈ വീഡിയോ.
ഡി.സി ബുക്‌സ് പുറത്തിറക്കുന്ന ഒരുവട്ടംകൂടി എന്റെ പാഠപുസ്തകങ്ങള്‍ നഷ്ടപ്പെട്ട ബാല്യത്തിന്റെ വീണ്ടെടുപ്പാണ്. കൊതിയോടെ വായിക്കാനും ആസ്വദിക്കാനും എന്നെന്നും സൂക്ഷിച്ചുവെക്കാനുമുള്ള ഒരു അപൂര്‍വ്വസമ്മാനം. ഡി.സി കിഴക്കെമുറി ഭാഷാപഠന ഗവേഷണ കേന്ദ്രത്തിന്റെ ആഭിമുഖ്യത്തില്‍ മലയാളത്തിലെ ആദ്യകാല കൃതികള്‍ ശേഖരിക്കുകയും സംരക്ഷിക്കുകയും പുനഃപ്രസിദ്ധീകരിക്കുകയും ചെയ്യുന്നതിന്റെ ഭാഗമായാണ് ഒരുവട്ടംകൂടി എന്റെ പാഠപുസ്തകങ്ങള്‍ പ്രസിദ്ധപ്പെടുത്തുന്നത്.
ഒരുവട്ടംകൂടി എന്റെ പാഠപുസ്തകങ്ങള്‍ ഉള്ളടക്കം
1. ഐക്യകേരളപ്പിറവിയ്ക്കു മുന്‍പും ശേഷവുമുള്ള മലയാള/കേരള പാഠാവലിയിലെ രചനകളാണ് സമാഹരിക്കുന്നത്.
2. മലയാള പാഠപുസ്തകങ്ങളിലെ ചിത്രങ്ങള്‍ ഉപയോഗിക്കുന്നു.
3. ഡി.പി.ഇ.പി പാഠാവലികള്‍ ഈ സമാഹാരത്തിന്റെ ഭാഗമാക്കുന്നില്ലെങ്കിലും പഴയ പാഠാവലിയിലെ രചനകള്‍തന്നെയാണ് പില്‍ക്കാലത്ത് പാഠഭാഗങ്ങളാക്കിയിട്ടുള്ളതിനാല്‍ ഡി.പി.ഇ.പി പഠിച്ചിട്ടുള്ളവര്‍ക്കും ഈ പുസ്തകം ഗൃഹാതുരമായിരിക്കും.
4. ഒന്നുമുതല്‍ പത്തുവരെ ക്ലാസുകളിലുള്ള എല്ലാ പാഠങ്ങളും വ്യാകരണമുള്‍പ്പെടെ ഈ സമാഹാരത്തിന്റ ഭാഗമായിരിക്കും.
5. പാഠങ്ങളായി ചേര്‍ത്തിട്ടുള്ള കഥകള്‍, നാടകങ്ങള്‍, പദ്യഭാഗങ്ങള്‍,ലേഖനങ്ങള്‍ തുടങ്ങിയ സര്‍വ്വമേഖലകളും ഇതിലുള്‍ക്കൊള്ളുന്നു.
ഒരുവട്ടംകൂടി എന്റെ പാഠപുസ്തകങ്ങള്‍ ഇപ്പോള്‍ വായനക്കാര്‍ക്കായി പ്രീബുക്ക് ചെയ്യാനുള്ള അവസരം ഡി സി ബുക്‌സ് ഒരുക്കിയിട്ടുണ്ട്. 3499 രൂപ മുഖവിലയുള്ള പുസ്തകം 2499 രൂപയ്ക്ക് മുന്‍കൂര്‍ ബുക്ക് ചെയ്യാവുന്നതാണ്.
കേരളത്തിലുടനീളമുള്ള എല്ലാ ഡി സി ബുക്‌സ്/ കറന്റ് ബുക്‌സ് ശാഖകളിലും ഒരുവട്ടംകൂടി എന്റെ പാഠപുസ്തകങ്ങള്‍ പ്രീബുക്ക് ചെയ്യാവുന്നതാണ്. ഡി സി ബുക്‌സിന്റെ ഓണ്‍ലൈന്‍ ബുക്ക് സ്‌റ്റോറിലും പുസ്തകം പ്രീബുക്ക് ചെയ്യാന്‍ അവസരം ഒരുക്കിയിട്ടുണ്ട്. കൂടാതെ 9947055000 എന്ന മൊബൈല്‍നമ്പരില്‍ വിളിച്ചും വായനക്കാര്‍ക്ക് ഒരുവട്ടംകൂടി എന്റെ പാഠപുസ്തകങ്ങള്‍ പ്രീബുക്ക് ചെയ്യാം.