സാംസ്‌കാരിക നഗരമായ തൃശ്ശൂരിലെ വായനക്കാര്‍ക്കും പുസ്തകപ്രേമികള്‍ക്കും വായനയുടെ നവ്യാനുഭവം സമ്മാനിച്ചുകൊണ്ട് ഡി സി ബുക്‌സ് ക്രോസ്‌വേഡ് പ്രവര്‍ത്തനം ആരംഭിക്കുന്നു. തൃശ്ശൂര്‍ ശോഭാസിറ്റി മാളിലെ ഒന്നാം നിലയിലാണ് ഡി സി ബുക്‌സ് ക്രോസ്‌വേഡ് ആരംഭിക്കുന്നത്. ആഗസ്റ്റ് 31ന് വൈകിട്ട് 5 ന് പ്രശസ്ത സിനിമാതാരവും എംപിയുമായ ഇന്നസെന്റ് ഡി സി ബുക്‌സ് ക്രോസ്‌വേഡ് ഉദ്ഘാടനം ചെയ്യും.
തൃശ്ശൂര്‍ ഗുരുവായൂര്‍ റോഡിലുള്ള ശോഭാസിറ്റി മാളിലെ ഒന്നാം നിലയില്‍ 1600 സ്‌ക്വയര്‍ഫീറ്റിലായി തയ്യാറാക്കിയിരിക്കുന്ന ഡി സി ബുക്‌സ് ക്രോസ്‌വേഡ് സ്‌റ്റോറില്‍ പുസ്തകങ്ങള്‍ക്ക് പുറമേ മാഗസിനുകള്‍, മൂവി, മ്യൂസിക്, ടോയ്‌സ്, സ്‌റ്റേഷനറി, ഗിഫ്റ്റസ് എന്നിവയുടെ വിപുലമായ ശേഖരവും വായനക്കാര്‍ക്കായി ഒരുക്കിയിട്ടുണ്ട്.
ഒരു പുസ്തകശാലയ്ക്കപ്പുറം ഒഴിവുസമയങ്ങള്‍ ഫലപ്രദമായി വിനിയോഗിക്കാനുള്ള അവസരമാണ് ഡി സി ബുക്‌സ് ക്രോസ്‌വേഡ് സ്‌റ്റോര്‍ ഒരുക്കുന്നത്. പൂരങ്ങളുടെ നാടായ തൃശ്ശൂരിലെ ജനങ്ങള്‍ക്ക് വായനയുടെ പുതിയ അവസരങ്ങള്‍ ഒരുക്കുന്ന ഡി സി ബുക്‌സ് ക്രോസ്‌വേഡ് സ്‌റ്റോര്‍ കൂട്ടുകാര്‍ക്കും കുടുംബത്തിനുമൊപ്പം സമയം ചിലവഴിക്കാനുള്ള ഉത്തമ ഇടമായിരിക്കും.
മെട്രോനഗരമായ മുംബൈ ആസ്ഥാനമായി പ്രവര്‍ത്തിക്കുന്ന ക്രോസ്‌വേഡും ഡി സി ബുക്‌സും സംയുക്തമായി നടത്തുന്ന ഡി സി ബുക്‌സ് ക്രോസ്‌വേഡിന്റെ നാലാമത്തെ സ്‌റ്റോറാണ് തൃശ്ശൂര്‍ ശോഭാസിറ്റിയില്‍ ആരംഭിക്കുന്നത്. ഹൈലൈറ്റ് മാള്‍-കോഴിക്കോട് ,കരിമ്പനാല്‍ സ്റ്റാച്യു അവന്യൂ- തിരുവനന്തപുരം, മാള്‍ ഓഫ് ജോയി- കോട്ടയം എന്നിവിടങ്ങളിലാണ് മറ്റ് ഡി സി ബുക്‌സ് ക്രോസ് വേഡ് സ്‌റ്റോറുകള്‍ പ്രവര്‍ത്തിക്കുന്നത്.
കൂടുതല്‍ വിവരങ്ങള്‍ക്ക് ബന്ധപ്പെടേണ്ട നമ്പര്‍; 9072311201, 9946400088
The post ഡി സി ബുക്‌സ് ക്രോസ്‌വേഡ് ഇന്നസെന്റ് ഉദ്ഘാടനം ചെയ്യും appeared first on DC Books.