തൃശ്ശൂര്‍ ഗുരുവായൂര്‍ റോഡിലുള്ള ശോഭാസിറ്റി മാളില്‍ ഡി സി ബുക്‌സിന്റെ നാലാമത്തെ ഡി സി ബുക്‌സ് ക്രോസ്‌വേഡ് സ്റ്റോര് പ്രവര്‍ത്തനമാരംഭിച്ചു. ആഗസ്റ്റ് 31 ന് വൈകിട്ട് 5ന് പ്രശസ്ത സിനിമാതാരവും എംപിയുമായ ഇന്നസെന്റാണ് ഡി സി ബുക്‌സ് ക്രോസ്‌വേഡ് ഉദ്ഘാടനം ചെയ്തത്. ഡി സി ബുക്‌സ് സിഇഒ രവി ഡീസീ, ജോയ് ആലുക്കാസ് എന്നിവര്‍ ചടങ്ങില്‍ പങ്കെടുത്തു.
തൃശ്ശൂര്‍ ഗുരുവായൂര്‍ റോഡിലുള്ള ശോഭാസിറ്റി മാളിലെ ഒന്നാം നിലയില്‍ 1600 സ്‌ക്വയര്‍ഫീറ്റിലായാണ് ഡി സി ബുക്‌സ് ക്രോസ്‌വേഡ് സ്റ്റോര് തയ്യാറാക്കിയിരിക്കുന്നത്. ഇവിടെ പുസ്തകങ്ങള്‍ക്ക് പുറമേ മാഗസിനുകള്‍, മൂവി, മ്യൂസിക്, ടോയ്‌സ്, സ്‌റ്റേഷനറി, ഗിഫ്റ്റസ് എന്നിവയുടെ വിപുലമായ ശേഖരമാണ് വായനക്കാര്‍ക്കായി ഒരുക്കിയിട്ടുള്ളത്.
ഒരു പുസ്തകശാലയ്ക്കപ്പുറം ഒഴിവുസമയങ്ങള്‍ ഫലപ്രദമായി വിനിയോഗിക്കാനുള്ള അവസരമാണ് ഡി സി ബുക്‌സ് ക്രോസ്‌വേഡ് സ്റ്റോര് ഒരുക്കുന്നത്. പൂരങ്ങളുടെ നാടായ തൃശ്ശൂരിലെ ജനങ്ങള്‍ക്ക് വായനയുടെ പുതിയ അവസരങ്ങള്‍ ഒരുക്കുന്ന ഡി സി ബുക്‌സ് ക്രോസ്‌വേഡ് സ്റ്റോര് കൂട്ടുകാര്‍ക്കും കുടുംബത്തിനുമൊപ്പം സമയം ചിലവഴിക്കാനുള്ള ഉത്തമ ഇടമാണ്.
The post ഡി സി ബുക്‌സ് ക്രോസ്‌വേഡ് സ്റ്റോര് ഇന്നസെന്റ് ഉദ്ഘാടനം ചെയ്തു appeared first on DC Books.