പിച്ച നടന്നു പഠിക്കുന്ന കുട്ടികളൊക്ക വീഴും. പറക്കാന്‍ പഠിക്കുന്ന പക്ഷിയും വീഴും. പക്ഷേ, വീണിടത്തുനിന്നും വീണ്ടും എഴുന്നേറ്റു ശ്രമം തുടരുമ്പോഴാണ് വിജയിക്കുക. വിജയം! വലിയ വിജയം.മഹത്തായ വിജയം. സാമാനതകളില്ലാത്ത വിജയം. നമ്പര്‍വണ്‍ നേട്ടം.സ്ഥാനം…ഇവയൊക്കെ സ്വ്പനം കാണുന്വരാണ് നമ്മള്‍.കുട്ടികളും മുതിര്‍ന്നവരുമെല്ലാം കാണേണ്ട സ്വപ്‌നവും ഇതുതന്നെ..! എന്നാല്‍ വലിയ വിജയത്തിന് വലിയൊരു ലക്ഷ്യംവേണം. ഒരു ത്യാഗം വേണം. ചിലകഷ്ടനഷ്ടങ്ങളൊക്കെ സഹിക്കേണ്ടതായും വരും..പക്ഷേ ഇതൊക്കെയോര്‍ക്കുമ്പോള്‍ ചില ആളുകള്‍ക്ക് ഭയമാണ്. ഞാന്‍ കഷ്ടപ്പെടുന്നത് വെറുതെയാവുമോ..അതോ അത്രയും വലിയ നേട്ടം എനിക്ക് അര്‍ഹതപ്പെട്ടതാണോ..എന്നിങ്ങനെയുള്ള ആവലാതികളും ഉണ്ടാകും. അവ സ്വാഭാവികമാണ്. പക്ഷേ ആ ചിന്തകളെയും പേടികളെയും തകര്‍ത്തറിയുമ്പോള്‍ മാത്രമാണ് നമ്മുടെ വിജയത്തിലേക്ക് നടന്നുകയറാനാകു. മുതിര്‍ന്നവരെക്കാള്‍ കുട്ടികള്‍ക്കാണ് വിജയത്തിലേക്ക് എളുപ്പം നടന്നുകയാറാനാവുക.
കുട്ടികളുടെ പ്രിയപ്പെട്ട പ്രൊഫ. ശിവദാസ് രചിച്ച ജീവിത വിജയത്തിന് 10 മന്ത്രങ്ങള്‍ എന്ന പുസ്തകം വിജയംനേടാനുള്ള എളുപ്പവഴികളാണ് പരിതയപ്പെടുത്തുന്നത്. കുട്ടികളുടെ കഴിവുകളും ചിന്താശക്തിയും വളര്‍ത്താന്‍ സഹായിക്കുന്നവയാണ് വിജയമന്ത്രങ്ങളിലെ കഥകളും കുറിപ്പുകളും എല്ലാം.
ജയത്തെയും തോല്‍വിയേയും ഒരുപോലെ സ്വീകരിക്കാന്‍ പരിശീലിക്കണം. ലക്ഷ്യം മുന്നില്‍ക്കണ്ട് പ്രയത്‌നിച്ചാല്‍ വിജയിക്കാവുന്നതാണ്. ജീവിതത്തെ ഒരു തപസ്സായി കണ്ട് പ്രയത്‌നിക്കണം എന്നുമാത്രം. കൊച്ചുകുട്ടികള്‍ കണ്ണുതുറന്നും ചെവി തുറന്നും ജീവിക്കണം, കാണണം, കേള്‍ക്കണം, അത്ഭുതപ്പെടണം, ചോദ്യങ്ങള്‍ ചോദി ക്കണം. അറിവു നേടുക എന്ന ആനന്ദകരമായ പ്രവര്‍ത്തനത്തിനുവേണ്ടി പരിശ്രമിച്ചു കൊണ്ടേയിരിക്കുക.ജീവിതത്തില്‍ പരാജയമുണ്ടാകുമ്പോള്‍ അതില്‍ വിഷമിക്കാതെ നിരന്തരമായ പ്രവര്‍ത്തനത്തിലൂടെ നമ്മുടെ പരാജയങ്ങളെയും തടസ്സങ്ങളെയും ,പോരായ്മകളെ യും വിജയിക്കാവുള്ള പടവുകളാക്കി മാറ്റുക. അസാധ്യമെന്ന വാക്കിനെ അകറ്റി നിര്‍ത്താന്‍ കുട്ടികള്‍ പരിശീലിക്കുക. തുടങ്ങിയകാര്യങ്ങള്‍ മനസ്സിലാക്കിത്തരുന്ന 10 മന്ത്രങ്ങളാണ് പുസ്തകത്തിന്റെ ഉള്ളടക്കം.
നമ്മുടെ ചിന്തയില്‍ മാത്രമല്ല ജീവിതത്തിലും മാറ്റങ്ങളുണ്ടാക്കാന്‍ കെല്പുള്ള ഈ പുസ്തകം കുട്ടികളിലും മുതിര്‍ന്നവരിലും ഉറങ്ങിക്കിടക്കുന്ന ശേഷികളെ ഉണര്‍ത്താന്‍ സഹായിക്കുന്ന കൃതികൂടിയാണ്. ഡി സി ലൈഫ് ഇംപ്രിന്റില്‍ പ്രസിദ്ധീകരിച്ചിരിക്കുന്ന പുസ്‌കതകത്തിന്റെ രണ്ടാമത് പതിപ്പ് പുറത്തിറങ്ങി.