ദീപാനിശാന്തിന്റെ നനഞ്ഞുതീര്‍ത്ത മഴകള്‍, കെ ആര്‍ മീരയുടെ ആരാച്ചാര്‍ , സുഭാഷ് ചന്ദ്രന്റെ മനുഷ്യന് ഒരു ആമുഖം, പി ജിംഷാറിന്റെ പടച്ചോന്റെ ചിത്രപ്രദര്‍ശനം, എം മുകുന്ദന്റെ കുടനന്നാക്കുന്ന ചോയി എന്നീ പുസ്‌കങ്ങളാണ് പോയവാരം ബെസ്റ്റ് സെല്ലര്‍ പട്ടികയുടെ ആദ്യ താളുകളില്‍ ഇടം നേടിയത്. തൊട്ടുപിന്നിലായി ദീപാനിശാന്തിന്റെ കുന്നോളമുണ്ടല്ലോ ഭൂതകാലക്കുളിര്‍ , കഥകള്‍ കെ ആര്‍ മീര, ബെന്യാമിന്റെ മഞ്ഞവെയില്‍ മരണങ്ങള്‍, മീരയുടെ നോവല്ലകള്‍, അരുണ്‍ എഴുത്തച്ഛന്റെ വിശുദ്ധപാപങ്ങളുടെ ഇന്ത്യ എന്നിവയുമുണ്ട്.
ആദ്യപത്ത് സ്ഥാനങ്ങില്‍ ഈ പുസ്തകങ്ങള്‍ ഇടംപിടിച്ചപ്പോള്‍ ബെന്യാമിന്റെ ആടുജീവിതം, ടി ഡി രാമകൃഷ്ണന്റെ സുഗന്ധി എന്ന ആണ്ടാള്‍ ദേവനായകി, എന്റെ പ്രിയപ്പെട്ട കഥകള്‍ എം മുകുന്ദന്‍, എന്റെ പ്രിയപ്പെട്ട കഥകള്‍ എം ടി വാസുദേവന്‍നായര്‍, കമലിന്റെ ആത്മാവിന്‍ പുസ്തകത്താളില്‍, ഷെമിയുടെ നടവഴിയിലെ നേരുകള്‍, സ്വരഭേദങ്ങള്‍, പെണ്‍പഞ്ചതന്ത്രം മറ്റ് കഥകളും തുടങ്ങിയവയും വായനക്കാര്‍ തേടിയെത്തി.
വിവര്‍ത്തനകൃതികളില്‍ മുന്നില്‍ എത്തിയത് പൗലോ കൊയ്‌ലോയുടെ ആല്‍ക്കെമിസ്റ്റാണ്. കലാമിന്റെ അഗ്നിച്ചിറകുകള്‍, കര്‍ണ്ണന്‍, നിങ്ങളുടെ ഉപബോധമനസ്സിന്റെ ശക്തി, ടോട്ടോ ചാന്‍, മെയിന്‍ കാഫ്; ഹിറ്റ്‌ലറുടെ ആത്മകഥ, എന്റെ സത്യാന്വേഷണ പരീക്ഷണങ്ങള്‍, മരിച്ച ഒരാള്‍ എന്നിവയാണ് തൊട്ടടുത്ത സ്ഥാനങ്ങളിലുള്ളത്.
മലയാളത്തിന്റെ ശ്രേഷ്ഠകൃതികളില്‍ മുന്നില്‍നില്‍ക്കുന്നതാകട്ടെ ഒ.വി.വിജയന്റെഖസാക്കിന്റെ ഇതിഹാസമാണ്. മാധവിക്കുട്ടിയുടെ നീര്‍മാതളം പൂത്തകാലം, എംടിയുടെ കഥകള്‍, ഒരു സങ്കീര്‍ത്തനം പോലെ, രണ്ടാമൂഴം, ഇനി ഞാന്‍ ഉറങ്ങട്ടെ, എന്റെ ലോകം എന്നിവയും തൊട്ടുപിന്നിലുണ്ട്.
The post പോയവാരം ബെസ്റ്റ് സെല്ലറില്‍ ഇടംനേടിയ പുസ്തകങ്ങള്‍ appeared first on DC Books.