നവകേരള വാർഷികാഘോഷങ്ങളുടെ ഭാഗമായി സാഹിത്യ പ്രവർത്തക സഹകരണ സംഘം 151 പുസ്തകങ്ങൾ പ്രകാശനം ചെയ്യും. പുസ്തക പ്രകാശനങ്ങളുടെ ഉദ്ഘാടനം വ്യാഴാഴ്ച വൈകീട്ട് 4 : 30 നു തിരുവനന്തപുരം വിജെടി ഹാളിൽ ചേരുന്ന സമ്മേളനത്തിൽ മുഖ്യമന്ത്രി പിണറായി വിജയൻ ‘കടമ്മനിട്ടയുടെ കവിതകൾ’ എന്ന പുസ്തകം കടമ്മനിട്ടയുടെ ഭാര്യ ശാന്തമ്മയ്ക്ക് നൽകി നിർവ്വഹിക്കും. മേയർ വി കെ പ്രശാന്ത് പുസ്തകമേള ഉദ്ഘാടനം ചെയ്യും. വിജെടി ഹാളിൽ സംഘടിപ്പിയ്ക്കുന്ന മേള ജൂൺ 16 നു സമാപിക്കും.