കോഴിക്കോട് സാംസ്‌കാരിക സൗഹൃദവേദിയായ സാഹിതി സൗഹൃദം പുസ്തക ചര്‍ച്ച സംഘടിപ്പിക്കുന്നു. 2016 സെപ്റ്റംബര്‍ 28ന് വൈകുന്നേരം 5ന് കോഴിക്കോട് ഹോട്ടല്‍ അളകാപുരിയില്‍ ഡി സി ബുക്‌സ് പ്രസിദ്ധീകരിച്ച പി കെ പാറക്കടവിന്റെ ‘ഇടിമിന്നലുകളുടെ പ്രണയം’ എന്ന പുസ്തകത്തെ അടിസ്ഥാനപ്പെടുത്തിയുള്ളതാണ് ചര്‍ച്ച.
അളകാപുരിയില്‍ വൈകിട്ട് ചേരുന്ന ചടങ്ങില്‍ ടി പി മമ്മൂമാസ്റ്റര്‍ അദ്ധ്യക്ഷത വഹിക്കും. നോവലിസ്റ്റ് കെ പി രാമനുണ്ണി പുസ്തക ചര്‍ച്ച ഉദഘാടനം ചെയ്യും. കെഇഎന്‍ മുഖ്യപ്രഭാഷണം നടത്തും. ഡോ. പി കെ പോക്കര്‍, ഡോ എന്‍ പി ഹാഫിസ് മുഹമ്മദ്, എ സജീവന്‍, ഡോ.എന്‍ എം സണ്ണി, എ പി കുഞ്ഞാമു എന്നിവര്‍ പങ്കെടുക്കും. പി കെ പാറക്കടവ് മടുപടി പ്രസംഗംനടത്തും. പൂനൂര്‍ കെ കരുണാകരന്‍ സ്വാഗതവും, വിജയന്‍ കോടഞ്ചേരി നന്ദിയും പറയും.
ചോരമണം വിട്ടൊഴിയാത്ത, നിരന്തരം യുദ്ധകാഹളം മുഴങ്ങുന്ന ഫലസ്തീന്റെ പശ്ചാത്തലത്തില്‍ രചിക്കപ്പെട്ട നോവലാണ് ഇടിമിന്നലുകളുടെ പ്രണയം.അലയുന്ന രാജ്യമായ ഫലസ്തീനിലെ ജീവിതവും ചരിത്രവും രാഷ്ട്രീയവുമാണ് ‘ഇടിമിന്നലുകളുടെ പ്രണയ’ത്തിന്റെ പ്രമേയം.
The post ഇടിമിന്നലുകളുടെ പ്രണയം- പുസ്തക ചര്‍ച്ച appeared first on DC Books.