പോയവാരം പുസ്തക വിപിണിയില്‍ മുന്നിലെത്തിയത് സന്തേഷ് ഏച്ചിക്കാനത്തിന്റെ ബിരിയാണി എന്ന കഥാസമാഹാരമാണ്. എന്നാല്‍ നോവലില്‍ കെ ആര്‍ മീരയുടെ ആരാച്ചാര്‍ തന്നെയാണ് മുന്നില്‍ നില്‍ക്കുന്നത്. ഇവയ്ക്കു തൊട്ടുപിന്നിലായി ദീപാനിശാന്തിന്റെ നനഞ്ഞുതീര്‍ത്ത മഴകള്‍, ഉണ്ണി ആറിന്റെ കഥകള്‍, ഒരു ഭയങ്കര കാമുകന്‍ എന്നീ പുസ്തകങ്ങളും, സുഭാഷ് ചന്ദ്രന്റെ മനുഷ്യന് ഒരു ആമുഖം, എം മുകുന്ദന്റെ കുടനന്നാക്കുന്ന ചോയി, ഇന്ദ്രന്‍സിന്റെ സൂചിയും നൂലും, ദീപാനിശാന്തിന്റെ കുന്നോളമുണ്ടല്ലോ ഭൂതകാലക്കുളിര്‍, ബെന്യാമിന്റെ ആടുജീവിതം, ടി ഡി രാമകൃഷ്ണന്റെ സുഗന്ധി എന്ന ആണ്ടാള്‍ ദേവനായകി എന്നി പുസ്തകങ്ങളുമാണ് സ്ഥാനം പിടിച്ചിരിക്കുന്നത്.
മുകേഷ് കഥകള്‍ വീണ്ടും, സോണിയ റഫീക്കിന്റെ ഹെര്‍ബേറിയം, എല്‍.ഡി.സി ടോപ്പ് റാങ്കര്‍, കഥകള്‍ കെ ആര്‍ മീര, ബെന്യാമിന്റെ മഞ്ഞവെയില്‍ മരണങ്ങള്‍, മീരയുടെ നോവല്ലകള്‍, ക്രിസ്ത്യാനികള്‍ ക്രിസ്തുമതത്തിനൊരു കൈപുസ്തകം, സേതുവിന്റെ പാണ്ഡവപുരം, ബി ഉമാദത്തന്റെ ഒരു പോലീസ്സര്‍ജന്റെ ഓര്‍മ്മക്കുറിപ്പുകള്‍ എന്നിവയാണ് പുസ്തകവിപണിയില്‍ ശ്രദ്ധിക്കപ്പെട്ട മറ്റ് പുസ്തകങ്ങള്‍.
വിവര്‍ത്തനകൃതിയിലാകട്ടെ പൗലോ കൊയ്‌ലോയുടെ ആല്‍ക്കെമിസ്റ്റ്, കലാമിന്റെഅഗ്നിച്ചിറകുകള്‍, ചാരസുന്ദരി എന്നിവയാണ് മുന്നില്‍. പെരുമാള്‍ മുരുകന്റെ അര്‍ദ്ധനാരീശ്വരന്‍, കലാമിന്റെ, എന്റെ ജിവിതയാത്ര, മനോഭാവം അതാണ് എല്ലാം, നിങ്ങളുടെ ഉപബോധമനസ്സിന്റെ ശക്തി എന്നിവ തുടര്‍ന്നുള്ള സ്ഥാനങ്ങളില്‍ നില്‍ക്കുന്നു.
മലയാളത്തിലെ ക്ലാസിക് കൃതികളില്‍ മുന്നില്‍നില്‍ക്കുന്നത് ഒ.വി.വിജയന്റെ ഖസാക്കിന്റെ ഇതിഹാസം, ബഷീറിന്റെ ന്റുപ്പാപ്പാക്കൊരാനേണ്ടാര്‍ന്ന് എന്നിവയാണ്. പെരുമ്പടവത്തിന്റെ സങ്കീര്‍ത്തനം പോലെ , എം ടി യുടെ രണ്ടാമൂഴം, മാധവിക്കുട്ടിയുടെ നീര്‍മാതളം പൂത്തകാലം,പി കെ ബാലകൃഷ്ണന്റെ ഇനി ഞാന്‍ ഉറങ്ങട്ടെ , എം മുകുന്ദന്റെ മയ്യഴിപ്പുഴയുടെ തീരങ്ങളില്‍, എന്നിവയാണ് തൊട്ടുപിന്നിലുള്ളത്.
The post ബെസ്റ്റ് സെല്ലര്‍ പുസ്തകങ്ങള്‍ appeared first on DC Books.