വായനയുടെയും വിനോദത്തിന്റെയും പുതുലോകം സമ്മാനിച്ചുകൊണ്ട് ഡി സി ബുക്‌സ് ഒരുക്കുന്ന മള്‍ട്ടി കാറ്റഗറി സ്‌റ്റോര്‍ ഡി സി എക്‌സ്‌പ്ലോര്‍ കൊല്ലത്തും പ്രവര്‍ത്തനം ആരംഭിച്ചു. കൊല്ലം ചിന്നക്കട വ്യാപാര ഭവനില്‍ ആരംഭിച്ച ഡി സി എക്‌സ്‌പ്ലോറിന്റെ സോഫ്റ്റ് ലോഞ്ച് ആശ്രമം ഭാസി (ഭാസിസങ്കീര്‍ത്തനം പബ്ലിക്കേഷന്‍) നിര്‍വ്വഹിച്ചു. ചടങ്ങില്‍ ഡി സി ബുക്‌സ് ജനറല്‍ മാനേജര്‍ എസ് അരുണ്‍ കുമാര്‍, ജോണ്‍മാത്തന്‍, സതീശന്‍ നായര്‍ എന്നിവര്‍ പങ്കെടുത്തു.
ഡി സി എക്‌സ്‌പ്ലോര്‍ പരമ്പപരാഗത പുസ്തകശാലകളില്‍ നിന്നും വ്യത്യസ്തപുലര്‍ത്തുന്ന നൂതന സൗകര്യങ്ങളുമായാണ് പ്രവര്‍ത്തനം ആരംഭിച്ചിരിക്കുന്നത്. ഇഷ്ടപുസ്തകങ്ങള്‍ വാങ്ങാനെത്തുന്നവര്‍ക്ക് ഒരു ബുക്‌സ് സ്‌റ്റോര്‍ എന്നതിലപ്പുറം വിനോദത്തിന്റെ പുതിയ ലോകമാണ് ഡി സി എക്‌സ്‌പ്ലോര്‍ വായനക്കാരന് മുന്നില്‍ തുറന്നിടുന്നത്. പുസ്തകങ്ങള്‍ക്കൊപ്പം തന്നെ മനസിലാഗ്രഹിച്ച ഇഷ്ടവസ്തുക്കളും ഗിഫിറ്റുകളും വാങ്ങാനുള്ള അവസരമാണ് ഇതിലൂടെ വായനക്കാര്‍ക്ക് ലഭിക്കുന്നത്.
പുസ്തകങ്ങള്‍ക്കുപുറമേ ഇംഗീഷിലും മലയാളത്തിലുമുള്ള വിവിധ മാഗസിനുകള്‍, കൂട്ടികള്‍ക്കുള്ള ടോയ്‌സ്, പ്രശസ്തമായ പെയിന്റിങുകള്‍, ആയൂര്‍വ്വേദ ഉല്പന്നങ്ങള്‍, ബ്രാന്റഡ് സൗന്ദര്യ വര്‍ദ്ധക വസ്തുക്കള്‍, പെര്‍ഫ്യൂമുകള്‍, ഗിഫ്റ്റ് ഐറ്റംസ് എന്നിവകൂടാതെ മറ്റ് സ്‌റ്റേഷനറി ഐറ്റംസ് എന്നിവയുടെ വിശാലമായ ശേഖരമാണ് വായനക്കാര്‍ക്കായി ഇവിടെ ഒരുക്കിയിരിക്കുന്നത്.
The post ഡി സി എക്‌സ്‌പ്ലോര്‍ കൊല്ലത്തും പ്രവര്‍ത്തനം ആരംഭിച്ചു appeared first on DC Books.